WTF! é unha fuxida cara diante, o correr pavoroso de dúas criaturas chegadas á Terra dende unplaneta lonxano e estrano. Ou simplemente diferente. 

É unha explosión. É un carnaval. É un disparate. 

É unha expresión de shock convertida nun absurdo de ritmo frenético. Unha mestura de xogo e movemento que dende a cor e o brillo cristaliza unha idea quizais sinistra tras a néboa da festa: porque corren estas dúas criaturas? Que ven que lles fai fuxir sen pausa cara diante? Que lles aterra tanto? 

Quizais non lles gusta o que ven aquí abaixo. Ou quizais esas criaturas chegadas doutra galaxia somos todas nós reflectidas nun espello inesperado. Correndo ata quedar sen alento para chegar a non sabemos onde.

​