Este espectáculo é unha cocreación da bailarina Julia Laport, o artista plástico Martín Gonçalves e a iluminadora Laura Iturralde. Un diálogo escénico onde corpo, luz e materia entrelázanse para abrir espazo á busca do que queda detrás do visible. A través da manipulación en directo de materiais como o barro ou as enredadeiras, a iluminación viva que habita a escena e o pulso das danzas urbanas, as artistas exploran as máscaras da identidade e as formas que adopta o desexo de ser outra cousa. Abren fendas no corpo e na presenza, na procura de algo máis aló, e atopan no encontro escénico un lugar desde onde achegarse á trascendencia.  

​

ESTREA 5 de abril de 2025